João 13

Yeso a ngla miri ndu wan dza

1 Ko iri ivi wan ye riwa Yeso ri ka mgbumgblume don ran hi ri A ti, a sondu ran nyɨme wawa wa he ri mgbumgblume, wawa wa he wa ma a nyɨme wa hi ri kre wan. 2 Riwa Yeso nga mirindu wan wa he rimi ri ri yawulu meme nji a kadzi ri sron Yahuda ivren Sima Iskaroti riwa ari ka Yeso re. 3 Yeso a to ri A ti no gbengbren ritu kongye; a to ri wawu zhu ri Izhi nga ari bru hi ri Izhi. 4 Imba ka wulunde ri kpanchi riwa wa ri ri, ran chu tsro wan ri ka mbzhu zho ran ban tawulo lo ri tri. 5 I mba ka sro ima rimi tsuutsu ri ngla wo ran gra ngla miri ndu wan dza ran se wa dza ri tawulo riwa a lo ri tri-a.

6 Riwa Yeso a ye ri Sima Bitrus riwa a tre ri,<<A wu Bachi nye wu ngla wen dza?>>

7 Yeso ka nyɨme ri,<<Wu ran to kya riwa me ti zizan ran, ama wu to-u mbari.>>

8 Bitrus ka la-u ri,<<Wu ran ngla wen dza ran.>>

Yeso ka tre wu ri,<<I me ran ngla-u dza ran, wu ran he vren ndu won ngaran.>>

9 Sima Bitrus ka tre ri,<<Bachi ran ngla wen dza kakre ran wu ngla wen wo nga tu ngawen!>>

10 Yeso ka tre ri,<<Wawa wa sukpa-e wa he tsitsri nga a ran he riwa wa ngla ngamba ngaran, wa ngla dza kakre, wawu mbi bi he tsitsri ara nji riri.>> 11 Yeso a gbuchi to nji riwa ari ka wawu re-e; ritu wan nye ka tre ri,<<Wawu mbi bi he tsitsri ara nji riri.>>

12 Kugon riwa Yeso a ngla wa dza kre, ka ban tsro wan ri ka mbzhu bru suu nga ran bru hi ri bubu wan riwa wa ran ri ri, ka miyen wa ri,<<Bi to kya riwa me ti ri yi-a?>> 13 <<Bi yo wen ri nji ri tsro nga Bachi nga a tsra riwa bi ti ngamba ritu ingye kya riwa me he mba. 14 Ame Bachi mbi nga nji ri tsro me ngla yi dza, biyi ngawen ngla dza ngambi. 15 Me ti bibi nyi ri yi ritu bi ri ti kya riwa me ti ri yi. 16 Me la yi kpunji tre: Gran ran ri han tiko wan ran, nga ivren ri ndu ran han nji riwa a ti-u ndu ran. 17 Zizan riwa bi to kpunji nyi, kinklan sron mbi ri he ri se ka bi ti ndu ri wu!