João 5

Yeso a den nji ri lilo mkpuzhu

1 Kugon rimba, Yeso ka hi ri Urushelima ritu roro ri tsitsri vi riwa nji Yahuda. 2 Ri Urushelima juju ima ri nyun nkon tra ri riwa wa yo wu ri nkon ntɨma riwa wa ti bru mgbɨreton kagon wan riwa inde wan ri rɨme Hibruniyawa a he Betazda. 3 Rimi bru nye wa lilo wa mfyen, wa mkpuzhu nga wa gblu kpa kigbu wasi kakru ri bubu wan. 4 Imiri ko Izhi wasi ye ri bubu wan ri vi ri vi wari ran chu ima-a nga nji riwa a ye gra rimi ima-a gbuchi ko bibi lilo bibitan riwa a he ri wu ari fe si. 5 Inji ri lilo ri a he riwa a ti se setra don tandra a ran to zren ran. 6 Riwa Yeso a to-u ka a kakru imba ran to ri a ti vi hari ri bubu wan,Yeso ka miyen-u ri,<<Wu wa wuri fe si?>>

7 Inji ri lilo-a ka nyɨme ri Yeso ri,<<A wu nji rinkon me ran he ri nji riwa ari dzon wen no wen me hi gra rimi juju ima-a ri vi riwa wa miri ko Izhi wa chu ima-a ran, ka me wa meri gra in jo ri nkan ri ye gra gbuchi ri moo.>>

8 Imba Yeso ka la-u ri,<<Wulunde kri nde wu ri ban blaa wen wuri zren.>> 9 Ri bubu wan nji-a ka fe sika ban blaa wan ran zren.

Ama chachu wan a he chachu sonvri riwa nji Yahuda.