30 Yeso ka lawa ri:<<Nji ri a zhu ri Urushelima ran hi ri Yariko, ka gra riwo wa yɨbi. Wa gbon tsro wan, wari vu kongye wan hi ngamba, wa tsii wari hi kamba, chuwo ka ran wa ran kuu. 31 Rinkon wa ndu Izhi ri ka ran hi ku bubu wan, riwa a to nji-a, ka hu nghɨma nkon riwan hi ngawan. 32 Nga, nji Leviyawa ri, riwa a ri bubu wan ran to nji-a, ka vu yɨwa hu ku nghɨma nkon riwan. 33 Ama nji samariya a ran hi zɨren, ran ye bubu ri wa nji-a he; riwa a to nji-a, ka lo sron. 34 Ka ye ri wu ran lo njon wan-a riwu, ran zhu nghe mba ima ri ro ran sro riwu. ka ban nji-a sa ri nghɨma wan,ran gɨzhi hi ri ko riwa wa kpa tsɨren ki 35 Ri vi ri hari wan ka ban dinari hari ka no wawa wa ya tsɨren-a.<Ya wu,>Ka tre, ka me kɨma ye, me noyi ngbron kya riwa bi wuu.>

36 Imba Yeso ka miyen wa ri<<Nga rimi tra wanyi wu to a he wa kukpan nji riwa a gra riwo wa yɨbi-a?>> 37 Wa tsro doka Musa waka tre,<<Nji riwa a ya ri si losron.>>

Yeso ka lau,<<Hi bi ri ti bibi wan.>>