Lucas 8

27 Riwa Yeso a gɨzhi ri nyu nne tse nji ri riwa a he ri bɨzhi ka zhu rimi gbu ran fe wu ri kon. A ban vi riwa a ran su tsro ran, nga a ran ran son iko ran, tse ri bubu riwa wa no nji yɨwi. 28 Riwa a to Yeso ran ban gro kpa, ran joku kusi wan, ran nzu ran ri,<< Ngye nye wu wa ri me, Yeso, Ivren Izhi riwa wa gbre wu? Me bre wu, ran nowen ya ran!>> 29 A tre nganyi don Yeso no zu shnji bɨzhi jio riwawu don ritu riwa ibɨji a ran vu bla vi, Wa ye waka lo-u yo ri tra. wa lou ri che ama ka su che, meme bɨzhi ka zu hi ji. 30 Yeso ka miyen-u ri,<< Inde wen he ngha?>> Ka tre,<<Tuli>>, Ritu ibɨji wa gra riwu kigbu. 31 Ibɨji wa ka bre wu bran ri no ran no wawa no wa ku ri bubu kuu ran. 32 To, ri bubu wan dushu wa ko waka kigbu wa ran ri ri ri benhen gashi, wa ka bre wu no kpa yɨme riwa nowa gra rimi mba ka kpa yɨme riwa. 33 Imba wa bɨzhi wa ka don wari gra rimi wa dushu wa ko-a gre ke wa dushu wa ko wa ka gre gra ban mi nne wari kuu. 34 Riwa imiri wa kɨshu dushu wa ko wato kya riwa a he, wari wurutsu, wari la tre-a ri wa nchon gbu ri tsitsa gbu. 35 Imba wanji waka zhu riwa wato kya riwa a ti. Riwa wa ye ri Yeso, wa ri ye fe nji riwa wa bɨzhi wa zhu rikpa wan, a son ri kusi Yeso, a su tsro, ituwan kae riri mba waka ti sisiri.