LUK LUKA- BUU 8

Iku Vruwa Mba Wa ri Lilo

40 Imba riwa Yeso a bru ye, nji waka tre wu ri ye, don wa ran gben ye wan. 41 Mba nji ri wana yo-u ri Yairus, nji rinkon ri tra Izhi, a ye ran joku kusi Yeso, ran bre wu no hi ko wan. 42 A he ri vruwa riri, riwa a he rise wuru don hari, a he ri nyu kuu.

Riwa Yeso a ran hi ngawan, ikpanji waka ran ima-u 43 Iwa ri riwa ise wan a he wuru don hari a ran zhu yi njo rimi mba ka ran ya no si ran. 44 A ju ri Yeso kugon ran bre wo ri nyu tsro wan, ri mba iyi- a ka kukiri.

45 Yeso ka tre,<< Nnga nye ibrewen wo? >> Riwa waka tɨron wawu mba, Bitrus ka tre,<< Iti ko, Ikpanji wa ran ima-u.>>

46 Ama Yeso ka tre,<< Njo ibrewen wo, ritu mi to gbengbren zhu ri kpa won.>>

47 Riwa Iwa-a a to kamba ran ri tuwan, ran chiwi hi ran gra wɨri kpa, ran ku kru kusi wan, a ju ri tuwan ri kusi gbunji ran la kya riwa wawu ibretsiro wan wo ri tu wan, ri bibi riwa a fe si. 48 Ka la wu ri,<< Ivɨra won ikpanyɨme wen a kpawu chuwo. Hi ri si kpa.>>

49 Riwa Yeso a he rimi tre, nji ri ka zhu ri ko nji riko Izhi ran tre,<< Ivira wen a kuu,>>Ran vu ya sro ŋnga ri nji ri tsro ran.>>

50 Ama riwa Yeso a wo kamba, ka nyɨme ran tre ri nji rinkon ri tra Izhi,<< Ran ti sisiri ran ikpanyɨme wen nkankshe, a ri fe si.>>

51 Riwa a gra ri ko-a a ran nyɨme no njo no gra ran, ka ra Bitrus ri Yohana, ri Yakuba, nga ti mba iyi vra. 52 Waka kamba ran ti shnji siron wari ran yi ritu wan. Ama Yeso ka tre, << Bi ka yi chuwo. Ivira-a a ran kuu ran, ari kruna.>>

53 Waka ran ndza Yeso, ritu wa to ri a kuu. 54 Ama Yeso ka vu wo vra ka nzu ran tre ri,<< Ivɨra won, wurunde.>> 55 Ivɨri wan ka bru ye, ka wurunde, ka lawa ri nowa no ri no ri. 56 Wa ti vra waka ti mamaki, ama Yeso ka lawa ri nowa ran la njo ran ikya riwa a ti.