Mateus 9

Yesuse nfamafia smat silu ta dempa

27 Fola tina, Yesuse nfani mana. Gabe smat silu ta dem pa tasa rderera I fare rgigam, "Apa, Kolano Daute ntu re bbu,*9:27 Denabe si dololaw i Kolano Daute ntu re bbu ningale tantubana Jou Lahatalla njanji bo npo smat isa bo nfasalamat smat, Smat cia Daute ntu re bbu i. Smat ta dem pa tasa si rfayal ta nfamafi si ca smat ta Jou Lahatalla janji bo nlafoca. mmasie ame lae!"

28 Oras Yesuse ncung mali ebai isa, smat silu ta dem pa tasa rlafo Yesus. Gabe Yesuse nfautno si, "Gabe mewe fdela Ya bisa ifamafia mew?"

Si rcanglo I, "Ime Apa, ame kdela."

29 Gabe Yesuse nisinge kakamona mali mtarina taga nu, "Mewe fdela Ya to gabe oras tae ndadi to mali mewi, tderera ta mew fdelana." 30 Oras tina to, smat silu tasa dem hawe. Gabe Yesuse nua si, "Mdel pa ta bo fabinga smatna mfalaisa denabe mewe fem hawena."

31 Ga oras ta si rcapang mali ebai ciana, si dafetang ga Yesus mali farumi batang tina.