22 Yawu bana kilonka ti bantu bandwenga badi, kansi byeka bilahuki. 23 Mpe bakitudi nkembo wu Nzambi wukwe lembolo bolanga mu kifwani ki muntu, ki zinuni, ki bibulu bii na malu maya na bibulu bikwe kwe syelomokingi ha butoto bikwe bolanga.

24 Ni hahoho, Nzambi kabayekodila mu mavanga mambi bonso budi nzinunu zi mitima myawu, mwanki basafula nitu zawu yawu na yawu. 25 Bakitudi kikedika ki Nzambi luvunu, bena zitisa na bena sadila kwawu bima bihidika Nzambi, na babisidi mu musambila yandi bende wuhidika byo, yandi fwanakani mu kemboso mimvu ka mimvu! Ameni!

26 Ni hahoho, Nzambi kabayekodila mu mpwila zinsoni: Bakento bawu bakwe bwesa vukisanga nitu awu na babakala bawu ko, kansi bana vuka mfulu yawu na yawu 27 Bumosi mpe babakala bana bisa mu vuka mfulu na bakento bawu, kansi bafulukidi mu mpwila ze vukisa mfulu yawu na yawu, bakala na bakala, bana hidika misamu minsoni. Ni hahoho, baatambudila musendo mu nkadulu awu yimbi.