ኢዮባ 42

መና ጎዳይ ኢዮባዉ ዳኩዋ ዛሬ

10 ኢዮብ ባረ ላገቶ ዎሴዳዋፐ ጉይያን፥ መና ጎዳይ አዉ ዛሪደ እሻልሴዳ፤ አዉ ካሰዋ ድራዉ ላኡ ኩሽያ ኦደ እሜዳ።✝42:10 ኢዮባ 1:1-3 11 ሄዋፐ ጉይያን፥ አ እሻቱ፥ አ ምቼቱነ ካሰ አ ኤርያዋንቱ ኡባቱ አኮ ዬድኖ፤ አ ሶን አናና ግብራ ሜድኖ። አዉ ካዮቲደ፥ መና ጎዳይ አ ቦላ አሄዳ መቶ ኡባፐ አ ምንድኖ። ቃይ ኡባይካ አዉ ዎርቃ ምግዱዋነ ብራ እሜድኖ።

12 መና ጎዳይ ኢዮባ ዉርሰ ላይ ኮይሮ ላይፐ አደ አንጄዳ። ኢዮባዉ ታማነ ኦይዱ ሻኡ ዶርሳቱ፥ ኡሱፑን ሻኡ ጋሎቱ፥ እት ሻኡ ዋ ቦራቱነ እት ሻኡ ማጫ ሀረቱ ደኢኖ። 13 ቃይ አዉ ላፑን አቱማ ናናቱነ ሄዙ ማጫ ናናቱ የለቴድኖ። 14 ባይራ ማጫ ናቶ ይሚሞ፥ ላኤንያና ቃጺኦ፥ ሄዘንያና ቀረንሀፉኮ ያጊደ ሱንዳ። 15 ኢዮባ ማጫ ናናቱዋዳን ማላ ሎኦ ማጫ አሳይ ቢታን ሳኣን ሀቃንነ ቤተና። ኡንቱንቱ አዉ ኡንቱንቶ ኡንቱንቱ እሻቱዋና ላትያ ቢታ ሻኪደ እሜዳ።

ኢዮባ ሀይቁዋ

16 ሄዋፐ ስምና፥ ኢዮብ ጼታነ ኦይታሙ ላይ ደኤዳ፤ ባረ ናናቱዋነ ባረ ናናቱዋ ናናቱዋ ኦይደን የለታ ጋካናዉ በኤዳ። 17 ኢዮብ ዳሮ ዎድያ ደኢደ፥ ሎኦ ጭማ ጭሚደ ሀይቄዳ።