1 Coríntios 7

Gruntlieren äwa de Ehe

1 Un nu äwa de Dinja, waut jie mie schreewen: Daut es goot fa eenen Mensch, nich eene Fru aun to schieren. 2 Oba wäajens de Huararie, lot eenem jiedren siene ieejne Fru haben un jieda Fru äaren ieejnen Maun haben. 3 De Maun saul de Fru daut trafende Frintschoft jäwen un jrod soo uk de Fru dän Maun. 4 De Fru haft nich Macht äwa äaren ieejnen Kjarpa, oba de Maun; un jrod soo uk de Maun haft nich Macht äwa sienen ieejnen Kjarpa, oba de Fru. 5 Trakjt junt nich trigj eena vom aundren, buta met Enweljunk fa eene Tiet, soo daut jie toom Fausten un Bäden frie sent; dan komt wada toop, daut de Soton junt nich vesieekjt wäajens june Onbehoolsomkjeit*7:5 Onbehoolsomkjeit: De Bejia toom Jeschlajchts-Vekjia nich en Kontrol hoolen..