João 12

Jesus kjemt triumfierent en Jerusalem

12 Dän näakjsten Dach, aus een grootet Volkj, daut nom Fast jekomen wia, hieed, daut Jesus no Jerusalem kjeem, 13 neemen see Paulm-Asta un jinjen Am entjäajen un schrieejen: Hosiana! Jesäajent es dee, dee em Nomen vom Harn kjemt, Israel äa Kjennich! 14 Jesus oba funk een Äsel-Joalinkj un sad sikj doanopp, soo aus jeschräwen steit: 15 "Fercht die nich, du Dochta Zion! Kjikj, dien Kjennich kjemt un sett opp eene Äselin äa Falm".

16 Dit oba vestunden siene Jinja ieescht nich; oba aus Jesus veharlicht wia, dan dochten see doaraun, daut dit von Am jeschräwen wia un see Am dit jedonen hauden. 17 Daut Volkj oba, daut bie Am wia, aus Hee Lazarus ut daut Grauf roopt un von de Doodje opperwakjt, zeijd. 18 Doawäajen jinkj Am uk daut Volkj entjäajen, wiels see hieeden, daut Hee dit Wundatieekjen jedonen haud. 19 Dan säden de Farisäa unjarenaunda: Jie seenen, daut jie nuscht utrechten. Kjikj, de gaunze Welt jeit Am hinjaraun!