33 Un aus see bat de Städ kjeemen, dee Koppknoaken23:33 Griechisch Kranion, Latiensch Calvary. jenant woat, kjriezichten see Am doa un de Vebräakja, dän eenen to de Rajchte un dän aundren to de Linkje. 34 Jesus oba säd: Voda, vejeff äant, wiels see weeten nich, waut see doonen! See oba vedeelden siene Kjleeda un schmeeten daut Loss doaräwa.
39 Oba eena von de jehongne Vebräakja lastad Am un säd: Wan Du de Christus best, rad Die selfst un ons! 40 Oba de aundra auntwuad un stroft am un säd: Un du ferchtst die uk nich ver Gott, wäarent du en dautselwje Jerecht best? 41 Un wie kjrieen doch met rajcht dän Loon, dän onse Woakjen wieet sent; oba disa haft nuscht Ojjeschekjtet jedonen. 42 Un hee säd to Jesus: Har, denkj aun mie, wan Du en dien Rikj kjemst! 43 Un Jesus säd to am: Ekj saj die woarhauftich: Vondoag woascht du met Mie em Paradies sennen.
Mat 27:45-56; Mrk 15:33-41; Joh 19:28-30