Lucas 9

De Kosten, met Jesus to gonen

57 Un daut passieed, aus see opp däm Wajch jinjen, säd wäa to Am: Har, ekj well Die nofoljen, wuaemma Du hanjeist. 58 Un Jesus säd to am: De Fas haben Lajcha, un de Väajel unja däm Himmel haben Nasta; oba de Menschensän haft nich, wua Hee sienen Kopp hanlajen kaun. 59 Un Hee säd to eenem aundren: Folj Mie no! Dee oba säd: Har, erlaub mie, daut ekj ieescht hango, mienen Voda to begrowen. 60 Jesus oba säd to am: Lot de Doodje äare Doodje begrowen; du oba go han un prädj Gott sien Rikj! 61 Un doa säd uk noch een aundra: Ekj well Die nofoljen, Har; erlaub mie oba ieescht, daut ekj Aufscheet näm von dee, dee en mien Hus sent. 62 Jesus oba säd to am: Kjeena, dee siene Haunt aun dän Pluach lajcht un trigj-kjikjt, es bruckboa en Gott sien Rikj.