Evangelium Markus 10

4 See säden: Moses haft erlaupt, eenen Scheedungs-Breef to schriewen un ar gonen loten. 5 Jesus oba auntwuad un säd to äant: Wäajens jun Hoathoatjet haft hee junt dit Jeboot jeschräwen; 6 oba vom Aunfank von de Schepfunk muak Gott äant Maun un Fru. 7 "Doawäajen woat een Mensch sienen Voda un Mutta veloten un siene Fru aunhenjen, 8 un dee twee woaren een Fleesch sennen"; soo sent see nich mea twee, oba een Fleesch. 9 Waut nu Gott toopjemoakt haft, saul de Mensch nich scheeden.