16 Nde nseda yi seda a kiya nsude yaa si gado yi e ma dole na nseni e muntu tuku. 17 Sobon anikowori ni nsu si gado e mani sori ba sobon nsude yi anikowori e man leyi; ba nsude yaa yi anpani ni anikowori yi ba, se a beyi de muntu. 18 E shiya sa anikowori ni pari e mani sori de yaa sila ni ntani ba, se su yi anpani ni zini. 19 Beyi de Musa gye ntani guru mbode ma a siki takada doka Musa. Se e la zini nsu saa nja akuya, e dama e yi nja riki, se e la ntasi dende de sua sukwa yi isop nja gesa ni timshiya de ma zanza e yaapi a siki takada doka nja guru ntani. 20 Musa nkye, <<Osu na ma zini seda, de Mirikisi beyi doka nkye ntani su biya.>>