1 Ookkonechchi uduma iikki iimik erganji Magenokenaa’ninna gedhechchinxe mootenaa’ni fula’neeka daa’witetishsha ca’a hiyyeeka hedhotika wode’e ane’ni leellishe. 2 Kunni wodi’inna ookkone qachchike lumoke orixxe oddonaa’n sa’eexxi yaa’aamman; konne wodi’ike middi bitta’a’ninna agenjo agenjo’ni gummisa’ni woggate’n tommenna lamele gummisaak hedhotike haqichcho hedhemman; konne haqichchuwwi shafuwwinna ardakee fayya iyyedagaamman. 3 Ta’anni edi’a hiini badinonna hexxabaan; Magenikinna ookkene gedhechchixxi moote konne qachchi giddo hexxaan; isik eranjuwwinna isoo magenoffantaan. 4 Insa’nenna alba isika anffaan; summi isikinna xabana insa’neke’ni hedhaake kada. 5 T’a’anni edi’a hashsha hexxaba’a; Gootti Mageni insa’ne’a ifisammaxxee ifi yookaan arishshotik ifinni insa’ne’a hasisabaa; insa’nenna duuchchi woddinaa’n duuchchi woddi’a moonaan.