Marcos 11

Odi’inke Haqichchixxa bange

20 Insa’nenna langa baro gorsa ora ookkonee sa’naa wodda iikki odi’inki haqichchi hiddinginni bagee’na uunde. 21 Pheexiroosi kassi hiyyeexxi Yessuussi’i: «Barsiisanjo! Ati Yowwitetteki odi’inki haqichchi bage’een!» hiyye. 22 Yessuusinna higgeenn insa’nee: «Ha’no Magenoke’ni amanne! 23 Dhugaate ha’no’ni hiyyaanneni: fedheeki manji tennee kooba ‹Kabaa’ni kexxe abbaayya giddi’a darbemi› hiyyoolenna tenne qalbe ifixxexenni mamibelo amannoole isi’a kaddaani. 24 Tennexxee soodachchoti heenee yaanenna kadhattinoole ha’no’a muuxenedeeshsha assitine amanne; kadhattinaachchi duuchchi ha’no’a uwwendaan. 25 Iittanni ha’no soodachchotee kexxinaa wodda, iimik ha’nook Anni cubbo ha’nooxxa ha’no’a gattowwaali hiyyaashsha, ha’nonna manijoke’ni affineexxa kajjo gattowwal hiyye.