Marcos 7

Mansha Laqabaakennn Afo’o Duudeemmake Manjiichixxa Fayya

31 Ookkonechchi uduma Yessuussi Xiroosike boganaa’ni ke’eexxi Sidoona darree’n sa’eexxi tomme qachchuwwa hiyyemaake bogibaa kute Galiilixxe abbaayyabaa dage. 32 Ookkoo manni mansha laqammabaakanna afo’o duudeeka manjichcho isibaa idange; insa’nenna anga isixxa konne manjichcho’ni hana uggaashsha kadhante.

33 Yessuussinna konnee manjichcho ardiinxe oddonaa’ni qofittinni fulcheexxi; qubba ifixxa konne manjichchixxe mansha giddo uggeexxi; ookkonechchi uduma hancufa biciqeexxi; manjichchiinka arrabo tuqe. 34 Yessuussinna iimi’a uudeexxi jabaqicinni foo’leexxi, «Efitaahi!» tikatinna, «Banemi» hiyyoteni. 35 Hirbange’ni mansha banende; arrabi isikinna tikeme; qulleesseexxi haaso’ate’ni ke’e.

36 Yessuussi tennee yaane mitteke’ninna kulabaashsha manna ajaje; kaddo malee isi haasoonnabaashsha ajajeemmaxxe qixxe’ni insa’ne yaane bira sa’issineexxi odeessina’nemani. 37 Ardikinna lomoqico mambe’a hiyyiyyoti. «Isi asseexxi yaane duuchchiinxi eloxen; mansha laqabaak laqaashsha; afo’o duudeeki haaso’aashsha midde asseen.»