midden ugeḏḏen asenyuflay rebbiy
18 mniyn zren midden lberq aḏ dduxan af jbel, aḏ slen rreƹd aḏ lḥes n lbuwq, rjijen s tiwdi aḏ bbedden s yebƹeḏ. 19 aḏ uwan y muwsa: «uflayeneγ cek. qa neseγda diyeḵ. kan yeqqim rebbiy yduggeyeneγ. rahiy tanemmuṯ s tiwdi.»
20 yaxy yerrasen muwsa: «wittegeṯec. rahiy rebbiy yused bac afenijerreb, we asnem lqutis bac witγeldemc.» 21 aḏ mniyn wsiyn midden bbedden s yebƹeḏ, yeqreb muwsa al tellest teṣeṭṭeft mani yusi rebbiy
lebni n mkan n teγrest d ṣeyyeḥ
22 aḏ yuwa lliy diyma yella y muwsa
«saṣel dwiyw al aṯ israyil: kennim tezrim s ṭiṭewinuwem mammeḵ ufleyγawem seg ujenna. 23 maƹedc ggem irebbiyen seg lfejreṯ naγ seg wureγ bac asentezellem iḏiy.
24 gtiḏ mkan n teγrest seg ijdi, bac aγersem fellas man aḥerqem aḏ teγrest n slemeṯ seg tulliwem aḏ ifwunesenuwem. we afendeseγ we afennumreγ g imkanen lkul lliy taggeγ disen mam ayenṭeq s ismiw. 25 aḏ kan teggimiḏ mkan n teγrest seg iḍγaγen, witteggec seg iḍγaγen wejhen. rahiy almiy twejhetten tanejsen. 26 aḏ witteggec druj y mkan n teγrest bac aḏelyem siyes naγ aqimem d iƹeryanen fellas.»