rebbiy yessaḵen y muwsa mammeḵ ayeg ddan n lƹecceṯ temeqdust
1 nsej 10 n stareṯ seg ustu n tefduxt ṣbiḥ aḏ ulman d izizewen aḏ d iḥberiyen aḏ d izuggaγen. aḏ ṭrez fellas tṣawer n sen iqeruwbin.
7 we aggeḏ ddan wissen y leƹecceṯ seg 11 d stareṯ n uzeṭṭi n udjuf n tγaṭin. 14 we aḏeḏneḏ lƹecceṯ s nnaj s ilimen n iberkas ḏhennen d izuggaγen aḏ njesen ilimen n trebit temeqqart lliy man γiyr tqecra.
rebbiy yessaḵan y muwsa mammeḵ ayeg leḥyuḍ n lƹecceṯ
15 amma leḥyuḍ ateneggeḏ s tqafeṣ seg isγaren n ssenṭ bbedneṯ.
rebbiy yessaḵen y muwsa mammeḵ ayeg star g amas n lƹecceṯ temeqdust
31 we aggeḏ star seg ustu n tefduxt aḏ ulman d izizewen aḏ d iḥberiyen aḏ d izuggaγen fellasen tṣewer n iqeruwbin. 33 we aƹelqeḏ star g iγesmeren, we aseḏfeḏ ttebuwt lliy diyes tiḍγaγin n luwṣayaṯ deffer star diyn lliy taydel jar lquds aḏ lquds n leqdas.