Gênesis 1

26 ଏମ୍ବାଟିଏ ମାହାପୂରୁ ଏଲେଇଚେସି, "ମା଼ମ୍ବୁ ଜାହାରା ୱା଼ଣା ତଲେ ଅ଼ଡ଼େ ଜାହାରା ଲେହେଁକି ମାଣ୍‌ସିଇଁ ରାଚିକିଇଁ। ଏ଼ୱାରି ଏ଼ୟୁତି ମୀଣ୍‌କାଣି ଅ଼ଡ଼େ ଊମ୍ବିନି ପଟାୟାଁ ଅ଼ଡ଼େ ଜ଼ନ୍ତ, ଅ଼ଡ଼େ ବାରେ ଦାର୍‌ତି ଇଞ୍ଜାଁ ବାରେ ବାଣ୍ତିତଲେ ତା଼କିନି ଜ଼ନ୍ତତି ସା଼ଲୱି କିନେରି।" 27 ଏଚେଟିଏ ମାହାପୂରୁ ଜାହାରା ୱା଼ଣା ତଲେ ମାଣ୍‌ସିଇଁ ରାଚିକିତେସି; ମାହାପୂରୁତି ୱା଼ଣା ତଲେ ଏ଼ୱାସି ଏ଼ୱାଣାଇଁ ରାଚିକିତେସି; ଆ଼ବା ଅ଼ଡ଼େ ଆୟାଟି କିହିଁ ଏ଼ୱାସି ଏ଼ୱାସିକାଣି ଗା଼ଡ଼ିକିତେସି।