Gênesis 1

27 ଏଚେଟିଏ ମାହାପୂରୁ ଜାହାରା ୱା଼ଣା ତଲେ ମାଣ୍‌ସିଇଁ ରାଚିକିତେସି; ମାହାପୂରୁତି ୱା଼ଣା ତଲେ ଏ଼ୱାସି ଏ଼ୱାଣାଇଁ ରାଚିକିତେସି; ଆ଼ବା ଅ଼ଡ଼େ ଆୟାଟି କିହିଁ ଏ଼ୱାସି ଏ଼ୱାସିକାଣି ଗା଼ଡ଼ିକିତେସି। 28 ଅ଼ଡ଼େ ମାହାପୂରୁ ଏ଼ୱାସିକାଣି ବ଼ର ହୀତେସି; ଇଞ୍ଜାଁ ମାହାପୂରୁ ଏ଼ୱାସିକାଣି ଏଲେଇଚେସି, "ବେ଼ଲି ଏ଼ପାଆ଼ହାଁ ହା଼ରେକା କୂଡ଼ା ଆ଼ଦୁ, ଇଞ୍ଜାଁ ଦାର୍‌ତିତି ନେଞ୍ଜିକିହାଁ ଲକ୍‌ହା ଇଟା‌ଦୁ, ଅ଼ଡ଼େ ଏ଼ୟୁଣା ମେୟିଁନି ମୀଣ୍‌କା ଅ଼ଡ଼େ ଊମ୍ବିନି ପଟାୟାଁ ଅ଼ଡ଼େ ବୂମିତା ବାଣ୍ତି ତଲେ ତା଼କିନି ଜୀୱୁଗାଟି ଜ଼ନ୍ତଣି ସା଼ଲୱି କିଦୁ।"