ମୂଲୁ 4

12 ଏ଼ ବୂମିତା ତା଼ସା କାମା କିତିହିଁ ଜିକେଏ ଏ଼ଦି ତାନି ବା଼ଡ଼୍‌ୟୁ ତଲେ ନୀ ସେ଼ବା କିୟେଏ; ନୀନୁ ଦାର୍‌ତିତା ହଟିହିଁ ଦେ଼ସା ରେ଼ନାତି ଆ଼ଦି।"

13 କୟିନ ପ୍ରବୁଇଁ ଏଲେଇଚେସି, "ନା଼ ତାକି ଈ ଡଣ୍ତ ଅ଼ର୍‌ହାଲି ଆ଼ଡାଆ ଗାଟାୟି। 14 ମେହ୍‌ମୁ ନୀନୁ ନୀଞ୍ଜୁ ନାଙ୍ଗେ ଈ ଟା଼ୟୁଟି ପେ଼ର୍‌ହାତି, ନା଼ନୁ ନୀ ତା଼ଣାଟି ହେକ ଆ଼ଇଁ; ଇଲେକିଁ ନା଼ନୁ ଦାର୍‌ତିତା ହଣ୍‌ନାତେଏଁ ଅ଼ଡ଼େ ଦେ଼ସା ରେ଼ନାତେଏଁ ଆ଼ତିସାରେ, ଆମ୍ବାଆସି ନାଙ୍ଗେ ବେଟାଆ଼ହାଁ ପା଼ୟାନେସି।"

15 ଅ଼ଡ଼େ ପ୍ରବୁ ଏ଼ୱାଣାଇଁ ଏଲେଇଚେସି, "ଏ଼ଦାଆଁତାକି ଆମ୍ବାଆସି କୟିନଇଁ ପା଼ୟିନେସି, ଏ଼ୱାଣି ସା଼ତା ବା଼ଗା ଡଣ୍ତ ବେଟାଆ଼ନେସି" ଇଞ୍ଜାଁ କୟିନଇଁ ଏ଼ନିକିଁ ଆମ୍ବାଆସି ମେସାହାଁ ପା଼ୟଅସି, ଏ଼ଦାଆଁତାକି ପ୍ରବୁ କୟିନକି ର଼ ସିନା ହୀତେସି। 16 ଏଚେଟିଏ କୟିନ ପ୍ରବୁ ତା଼ଣାଟି ହାଜାହାଁ ଏଦନତି ୱେ଼ଡ଼ା ହ଼ପୁୱାକିତି ନଦ ଇନି ଟା଼ୟୁତା ବାସା କିତେସି।