ତାୟିୟାଁଣି ଜସେପ ପୁଣ୍ମ୍ବିକିହା କଡିନାୟି
1 ଏଚେଟିଏ ଜସେପ ତାନି ଟଟତା ନିଚାମାଚି ଲ଼କୁ ନ଼କିତା ଜାହାରାଇଁ ସା଼ସା ଆ଼ହାଲି ଆ଼ଡାଆନା କାଜା ଗିୟାଁତଲେ ଏଲେଇଚେସି, "ନା଼ ତା଼ଣାଟି ବାରେ ଲ଼କୁଣି ପାଙ୍ଗାତା ପାଣ୍ତାଦୁ।" ଏଚେଟିଏ ଆମ୍ବାଆରି ଏ଼ୱାଣି ତଲେ ଡ଼ୟାଆଲିଏ, ଜସେପ ତାନି ତାୟିୟାଁ ନ଼କିତା ତା଼ନୁ ଆମ୍ବାଆସି ଇଞ୍ଜିହିଁ ଏଲେଇଚେସି। 4 ଏଚେ଼ଟିଏ ଜସେପ ଏ଼ୱାରାଇଁ ଏଲେଇଚେସି, "ବାତିମା଼ଲି ମାଞ୍ଜାଇଁ ନା଼ ଡାଗେ ୱା଼ଦୁ।" ଏଚେଟିଏ ଏ଼ୱାରି ଡାଗେ ହାଜାଲିଏ, ଏ଼ୱାସି ଏଲେଇଚେସି, "ନା଼ନୁ ମୀ ତାୟି ଜସେପତେଏଁ, ଆମ୍ବାଆରାଇଁ ମୀରୁ ମିସରତା ହାଜିମାଚି ଲ଼କୁକି ପା଼ର୍ଚା ମାଚେରି। 5 ସାମା ମୀରୁ ନାଙ୍ଗେ ଇମ୍ବାଆଁ ପା଼ର୍ତାତେରି ଈଦାଆଁ ତାକି ନୀଏଁ ଦୁକୁ, ଅ଼ଡ଼େ ମୀରୁ ମିଙ୍ଗେ ତାକି ବିଲ୍କି ଆ଼ଆଦୁ। ଇଚିହିଁ ମାହାପୂରୁ ମା଼ ଲ଼କୁତି ଜୀୱୁ ନୀଟ୍ହାଲି ମୀ ନ଼କିତା ନାଙ୍ଗେ ପାଣ୍ତାତେସି।
15 ଇଞ୍ଜାଁ ଜସେପ ଏଟ୍କାତି ତାୟିୟାଁଇଁ ନଣ୍ତାହାଁ ଏ଼ୱାରାଇଁ ଆସାହାଁ ଡ଼ୀତେସି। ଏଚେଟିଏ ତାମି ତାୟିୟାଁ ଏ଼ୱାଣି ତଲେ କାତା ଆ଼ତେରି।