ମୂଲୁ 45

5 ସାମା ମୀରୁ ନାଙ୍ଗେ ଇମ୍ବାଆଁ ପା଼ର୍‌ତାତେରି ଈଦାଆଁ ତାକି ନୀଏଁ ଦୁକୁ, ଅ଼ଡ଼େ ମୀରୁ ମିଙ୍ଗେ ତାକି ବିଲ୍‌କି ଆ଼ଆଦୁ। ଇଚିହିଁ ମାହାପୂରୁ ମା଼ ଲ଼କୁତି ଜୀୱୁ ନୀଟ୍‌ହାଲି ମୀ ନ଼କିତା ନାଙ୍ଗେ ପାଣ୍ତାତେସି। 6 ମେହ୍‌ଦୁ ନୀଏଁ ଦେ଼ସାତା କାର୍‌ୱୁ ଆ଼ହାଁ ରୀ ବାର୍ସା ଆ଼ହାମାନେ; ଅ଼ଡ଼େ ପା଼ସା ବାର୍ସା ବା଼କି ମାନେ, ଏ଼ ବିତ୍ରା ତା଼ସା କି ଆର୍ନା ଦା଼ଃନାୟି ଆ଼ଏ। 7 ମାହାପୂରୁ ନାଙ୍ଗେ ମୀ ନ଼କିତା ଈଦାଆଁତାକି ପାଣ୍ତା ମାଞ୍ଜାନେସି, କି ମୀରୁ ଦାର୍‌ତିତା ନୀଡାହାଁ ଡ଼ୟିଦେରି, ଅ଼ଡ଼େ ମୀ ଜୀୱୁ ନୀଡିତିହିଁ ମୀ କୂଲୁ ଏ଼ପା ଆ଼ନେ। 8 ଏ଼ଦାଆଁତାକି ମୀରୁ ନାଙ୍ଗେ ଇମ୍ବାଆଁ ପାଣ୍ତା ମାଞ୍ଜଅତେରି, ସାମା ମାହାପୂରୁ ପାଣ୍ତାମାଞ୍ଜାନେସି; ଏ଼ୱାସି ନାଙ୍ଗେ ପା଼ରତି ତାଞ୍ଜି ଅ଼ଡ଼େ ତାନି ଇଲୁତି କାଜାସି ଅ଼ଡ଼େ ବାରେ ମିସର ଦେ଼ସାତି ସା଼ଲୱି କିନାତେଏଁ କିହାମାଞ୍ଜାନେସି।"