7 ଏଚେ଼ଟିଏ ଜସେପ ତାନି ଆ଼ବା ଜାକୁବଇଁ ତାଚାହାଁ ପା଼ର ରାଜା ନ଼କିତା ନିପ୍ହେସି; ଏଚେଟିଏ ଜାକୁବ ପା଼ର ରାଜାଇଁ ବ଼ର ହୀତେସି, 8 ଏଚିବେ଼ଲା ରାଜା ଜାକୁବଇଁ ୱେଚେସି, "ନିଙ୍ଗେ ଏଚର ବାର୍ସା ଆୟାତେ ?"
9 ଜାକୁବ ପା଼ରଇଁ ଏଲେଇଚେସି, "ନା଼ ନୀଡାମାନି ବାର୍ସା ସ଼କ଼ଡ଼ି ଦସ ବାର୍ସା ଆୟାତେ; ନା଼ନୁ ନୀଡିତି ବାର୍ସା ଗାଡି ଆ଼ଏ ଅ଼ଡ଼େ କସ୍ତତାୟି, ନା଼ ଆକୁ ଆ଼ବାୟାଁ ଲେହେଁ ହା଼ରେକା ଦିନା ଆ଼ଏ।" 10 ଏଚେଟିଏ ଜାକୁବ ପା଼ର ରାଜାଇଁ ବ଼ର ହୀହାଁ ଏ଼ୱାଣି ତା଼ଣାଟି ହାଚେସି। 11 ଏଚେ଼ଟିଏ ଜସେପ ପା଼ରତି ହୁକୁମି ଲେହେଁ ମିସର ଦେ଼ସାତି ହା଼ରେକା ନେହିଁ ଟା଼ୟୁତା, ଇଚିହିଁ, ଗସନତି ରାମିସେସ୍ ରା଼ଜିତା ଅଦିକାରା ହୀହାଁ ତାନି ଆ଼ବା ଅ଼ଡ଼େ ତାୟିୟାଁଣି ଡ଼ୟିକିତେସି। 12 ଇଞ୍ଜାଁ ଜସେପ ତାନି ତାଞ୍ଜି ଅ଼ଡ଼େ ତାୟିୟାଁଣି ଅ଼ଡ଼େ ବାରେ ତାଞ୍ଜି କୁଟମିତି ଲେକା ତଲେ ତିନି କା଼ଦି ହୀହାଁ ପ଼ହିକିତେସି।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)