5 ଏଚେଟିଏ ପ୍ରବୁ ମେସ୍ତେସି, ଦାର୍ତିତା ମାଣ୍ସିତି ଲାଗେଏତାୟି ହା଼ରେକା ଗାଡି ଅ଼ଡ଼େ ତାମି ହିୟାଁତି ଅଣ୍ପୁତା ବାରେ ଲାଗେଏତାୟି। 6 ଏ଼ଦାଆଁତାକି ମାହାପୂରୁ ଦାର୍ତିତା ମାଣ୍ସିଇଁ ରାଚି କିହାଁ ତାନି ମ଼ନତା ଦୁକୁ କିତେସି। 7 ଏଚେଟିଏ ପ୍ରବୁ ଏଲେଇଚେସି, "ନା଼ନୁ ଦାର୍ତିତା କେ଼ପିତି ମାଣ୍ସିଇଁ, ଅ଼ଡ଼େ ମାଣ୍ସି ତଲେ ଜୀୱୁଗାଟି ଜ଼ନ୍ତ ଅ଼ଡ଼େ ପଟା କା଼ଟି ଇଞ୍ଜାଁ ବାଣ୍ତିତଲେ ତା଼କିନି ଜ଼ନ୍ତଣି ନା଼ସା କିଇଁ, ଇଚିହିଁ ନା଼ନୁ ଏ଼ୱାସିକାଣି ଗା଼ଡ଼ି କିତାକି ଦୁକୁ କିହିମାଇଁ।" 8 ସାମା ନ଼ହଁ ପ୍ରବୁ ନ଼କିତା କାର୍ମା ବେଟାଆ଼ତେସି।
ନ଼ହଁତି କାତା
9 ନ଼ହଁ ବେ଼ଲାତି କାତା ଈଦି। ନ଼ହଁ ଏ଼ ବେ଼ଲାତା ଦାର୍ମୁଗାଟାସି ଅ଼ଡ଼େ ସୁଦୁ ମାଣ୍ସି ମାଚେସି; ଅ଼ଡ଼େ ମାହାପୂରୁ ତା଼ଣା ମା଼ନି ତଲେ ତା଼କିମାଚେସି।