19 "Musibige fumwa yenyu muhango, payinodliwa nezwikonyana nebulala, nembava padzinongina dziswada. 20 Koga bigani fumwa yenyu kudzimu, payisingadliwe nezwikonyana kene nebulala, pasingangine mbava dzikaswada. 21 Ngobe pana fumwa iyo, ndipo moyo uwo pawunowhogala uliko bo."
Tjedza Tjembili
(Luka 11.34-36)
22 "Hhiho litjivoneko tjembili. Ndizo ke, hapa hhiho lilo lili bhenyu, mbili uwo wose unoba ulihhele tjedza. 23 Koga hapa hhiho lilo lisi bhenyu, mbili uwo wose unoba ulihhele hhalima. Ngono ke hapa tjedza tjimukuli tjili hhalima, ngono hhalima linji kungapani ke!"
Ndzimu Nefumwa
(Luka 16.13; 12.22-31)
24 "Akuna nhu ungahingila bohe babili; ngobe angada umwe akahema umwe, kene unowhozwipila kuwumwe akalingila umwe pasi. Amungahingile Ndzimu kose nemari."