O angeli vakerela bašo bijanibe e Isuseskoro
26 Koga i Elisaveta sine šofto masek khamni, o Devel bičhalgja e angele e Gabrijele ko Galilejsko gradi, Nazaret, 27 ki Marija so sine čhaj hem sine manglardi e Josifeske, so sine taro seme e caroskoro e Davideskoro.
28 Koga alo o angeli, phengja e Marijake: "Radujn tut! O Gospodari tano tuja! Ov tano but milostlivo prema tute!"
36 Akje, ti familija i Elisaveta da ko phure berša ačhili khamni hem ka bijanel murš. A oj tani adaja kaske so vakerena sine deka našti te ačhol khamni, a akana i šov masek khamni.
38 Togaš i Marija phengja: "Akje me i sluginka e Gospodareskiri, neka ovel spored leskiri vojla."
I o angeli gelo peske latar.
I Marija džala te dikhel e Elisaveta
39 Adala dive i Marija spremingja pe hem sigjargja te džal ko ridsko than, ko jekh gradi tari Judeja.
56 I Marija ačhili ki Elisaveta trin masek, a palo adava irangja pe khere.