O angeli vakerela bašo bijanibe e Isuseskoro
26 Koga i Elisaveta sine šofto masek khamni, o Devel bičhalgja e angele e Gabrijele ko Galilejsko gradi, Nazaret, 27 ki Marija so sine čhaj hem sine manglardi e Josifeske, so sine taro seme e caroskoro e Davideskoro.
28 Koga alo o angeli, phengja e Marijake: "Radujn tut! O Gospodari tano tuja! Ov tano but milostlivo prema tute!"
38 Togaš i Marija phengja: "Akje me i sluginka e Gospodareskiri, neka ovel spored leskiri vojla."
I o angeli gelo peske latar.
I Marija slavinela e Devle
46 Togaš i Marija phengja:
"Mi duša slavinela e Gospodare,
47 hem mo duho radujnela pe ko Devel, mo Spasiteli,
48 so ulo milostlivo upri pi ponizno sluginka.
I taro akava dive sa o generacije ka phenen deka sijum blagoslovimi džuvli,