Luka 1

O angeli vakerela bašo bijanibe e Jovane Krstiteleskoro

5 Ko vreme koga o Irod sine caro ki Judeja, sine nesavo svešteniko so vikinela pe sine Zaharija taro redo e Avijaskoro. E Zaharijaskiri romni i Elisaveta isto agjar sine taro seme e Aroneskoro. 6 O Zaharija hem i Elisaveta sine pravedna anglo Devel, adaleske so živinge palo sa o zapovedija hem o zakonja e Gospodareskere.