11 Bai, kwa mwanjaa tutangite kumwisimu Nnu’ngu', kwa nyo, tukasana kwauta bi’ngi'. Lakini Nnu’ngu' atutangite mwatubile, nanenga niu’bi’lya kai' panga namwenga mututangite wisowiso. 12 Kwenda tupaya kai' kwilumba twabene nnu’ngi' yinu li, ila tummakia mwenga lipala lya kwipuna kwa kitumbu situ, li’nga mupate kwayangwa balu' babaipunia ube wabe wa panja kulikoni mwababile pamwoyo wabe. 13 Mana tubonekine panga tuobite malango kati mwabatubaya, alyo kwa pwaila ya Nnu’ngu', na manaitei tubile na malango gitu, alyo kwa pwaila yinu. 14 Kwa mwanjaa upendo wa Kilisitu utulongoya twenga twatuyi’ki’tya panga, mundu yumo bai ngaywawile kwa kitumbu sa bandu boti, ilombolya panga boti bapanga kiselele kwa kiwo sake. 15 Nembe aawile kwa kitumbu sa bandu boti li’nga boti babatama bau’mi kanebatame kwa kitumbu sabe bene, ila batame kwa kitumbu sake ywembe ywawile no yu’yi’lwa kwa kitumbu sabe.

16 Bai, tumbulya nambi’yambi', twenga tummalangilyali mundu ywoywoti muisabu ya kimundu, pamope no panga twammalangi Kilisitu muisabu yi’yi’lu’yi’lu', lakini nambi’yambi' tupangali kai' nyo. 17 Mundu ywoywoti mana alu’mbine na Kilisitu, apanga kyumbe sayambi', makowe ga kwai’mbu' gabu’i, lingulya, gapangite gayambi'! 18 Lyoti lyengo lya Nnu’ngu' ywatuawaniye twenga na mwene kwa ndi’la ya Kilisitu, na kutupeya lyengo lya kwaawana bandu na ywembe mwene. 19 Ngo baya panga, Nnu’ngu' aabile kaiawana dunia na ywembe mwene kwa ndi’la ya Kilisitu, pangali balanga masambi gababile nago bandu. Ywembe aatulagi tuale liyi’gi’yo lya kwaawana bandu na ywembe mwene.

20 Bai, twenga tuyi’ma paali pa Kilisitu, na Nnu’ngu' mwene atutumya twenga kunkema mwenga. Tunnu’banga paali pa Kilisitu, muawane na Nnu’ngu'. 21 Kwa mwanjaa, Kilisitu aabileli na sambi, lakini Nnu’ngu' aampangite abe sambi kwa kitumbu situ, li’nga kwa ndi’la yake tupate panga aki nnu’ngi' ya Nnu’ngu'.