1 Farasiinam ni gban-mi’irib seba n yi Geruzalɛm na la pana laɣah mi gilig Yezu, 2 ka nyɛ ka U nya’andolib la seba pu pɛɛ nu’uhe ka dit nudɛ̃ɣɛ̃t, 3 (Se’el n so la Farasiinam la ni Geudem zã’ã n pu pɛɛ nu’uh sommaa, ba kun dii, dola ba malema ituk, 4 ba mi pu dit se’el n yi da’agin na ka pu pɛɛge, ni malense’a berigu ka ba dol a, aa ŋmana ni laah ni kut-doɣot pɛɛgir.) 5 Yela ka Farasiinam la ni gban-mi’irib la bɔ’ɔh Yezu yii, <<Yibo ka I nya’andolib la pu dol ti yaanam malema, ka dit ni nudɛ̃ɣɛ̃re?>> 6 Ka U lebih ba yii, <<La a la mɛɣɛla yi Azaaya da nyɛ ya ŋmɛlema dema ituga mi, ka da deŋ golih diŋ yii, Niribaa wa na’ahit Mam la ba nɔngbana ni, ka ba sũya poŋi zãã ni Mam mi; 7 ba po’ohug tet mam pu yit ba sũya ni naa, la a la se’el ka nirib pa’al ba ma’a.’ 8 Ya bah Na’ayen nɔɔr yelehum la mi, ka dola nirisaalib malema.>> 9 Ka U yel ba yii, <<Ya nyɛ la sɔsomir zaɣah Na’ayen nɔɔr yelehum la ka tɛɛ sak dola ya mɛŋ malema! 10 Moozis da yel ya yii, 'Na’ahum i ba’ ni i ma;’ ka so n to u ba’ bee u ma’, nan ba’ahun kpi.’ 11 Ka yam yel yi so woo n yel u ba’ bee u ma’ yi, 'Mam n zaŋ soŋ-se’er te ya a la kor-ban’ (la vɔ̃ɔ̃r a la Na’ayen teeb) 12 yela i le ka sɔr yi i iŋ se’el te i ba’ bee i maa’ 13 yelam mɛŋ ka ya dola ya mɛŋ malema la, ka Na’ayen nɔɔr yelehum la a zaalim. Ya yela woo ituk a la ŋwala.>>

14 Yezu da le bɔɔl nirikooŋ la yel ba yii, <<Ya zã’ã womih mi nim, ka baŋ di vɔ̃ɔ̃r: 15 se’el n nan kpɛ̃ nirisaal poŋi kun iŋ ka u lebig dɛ̃ɣɛ̃t daan, ka laan yit nirisaal poŋin na la n ket ka u a dɛ̃ɣɛ̃t daan.>> 16 Bah mi ka so n tar toba nan wom un womih. 17 Ka Un da bah nirikooŋ la ka kpɛ̃ yirin la, U nya’andolib la da bɔ’ɔh U maɣahir la vɔ̃ɔ̃r. 18 Ka U yel ba yii, <<Ka yam mi kɔŋ bɔkir mii? Yam pu mi yi se’el n zɛ’ɛn yeŋ kpɛ̃’ɛ̃t nir poŋi kun tɔ’ɔn gãlemu wa, 19 Lan pu kpɛ̃’ɛ̃t sũũrin la, ka a poorin la, ka dol gbin yit na laa?>> (Ka pana yel yi dii woo ka dɛ̃ko) 20 Ka yel ba yii, <<Laan zɛ’ɛn nirisaal poŋi yit na la n a gãluŋ. 21 Lan zugo nirisaal sũũr poŋi ka tẽ’ẽh be’et n a aa yaalug tooma, naɣayigum, nirib koo, 22 Kamboh, n-nyigum, putoon, pã’ãhug, dɛ̃ɣɛ̃t, nintɛ̃rig, wosãɣauŋ, pa’al m mɛŋ ni geri-tooma. 23 Yelebetee la wa zã’ã zɛ’ɛna nirisaal poŋi yit na ka u gãlemit.>>

24 Ka Yezu da yi niŋa keŋ Taya teŋ la ni. Paa kpɛ̃ yir niŋa ka pu bɔɔt yi nir baŋ yi U bee. Ka ba mi da sin ka baŋ 25 ka bumpɔɣɔse’e bibompuŋ ka sibɛ’ɛh da kpɛ̃ la n da deŋ wom Yezu yela ka tana ku’un U tɔɔn. 26 Bompɔk la n da ka Geuu buuri, be Sarofonika teŋ la da soh Yezu yi U kar sibɛ’ɛh la yi’ih u bii la ni. 27 U da lebih yel u yii, <<Ke ka biih la di yiiga, la ka somma yi ti zaŋ biih la diit te baahe.>>

28 Ka bompɔk la lebih Yezu yii, <<Sera, Ndaana, hali baah la n be teebul pullin la dit biih la n dit ka se’el yaamit teŋ la mi.>> 29 Ka U yel u yii, <<Nyɛ n lebih ŋwala la zugu, kema, ka sibɛ’ɛh la bah i bii la.>> 30 Bompɔk la n da leb kul paa yir la, u da nyɛ ka u bii la dɔ ka sibɛ’ɛh la serin bah u.

31 Ka Yezu bah Taya teŋ ka dol yi Sidon, tɔ Dekapolis tehin leb paa Galilii mɔɣɔrin. 32 Ka ba tar buraa n a gaauŋ na belim Yezu yi U zaŋ nu’ug paɣɛl ka zugu. 33 Ka Yezu tar buraa la leb nkpeŋ, zaŋ U nubibih tom u toba ni ka tobih nantɔ̃ɔ̃t iŋ buraa la zelemir ni. 34 Yezu pana da gɔrig beh saazug ha, si’im paa, paa ka yel buraa la yii, <<Ifata>> la vɔ̃ɔ̃r a la <<wo’oma.>> 35 Nila nila ka buraa la toba wo’o, ka u zelemir la mi lak, ka u pĩ’ĩl tɔɣɔt somma somma. 36 Ka Yezu kpa’am nirib la yi ba da zaŋ yela yel so’o. Ka Un kpa’am ba se’em la, ba maalin tɔɣɔrin gaat yela. 37 Ka la da iŋ pakir paa te nirib, ka ba yet yii, <<U it se’el woo la somma; U bah ka tobekpera womit ka gaana mi tã tɔɣɔt.>>