Mateus 14

Yesu ayedjai bato koto itano

13 Ehole ɛoka Yesu gala ena, atitea ta bwato ko akɛɛ ta esika ehɔni yo oda yo mɛɛnɛ. Ko ena ɔoka bato bea; badonga ta mabonga ma bobo ko bamokimana ena badale ta ekulu ɛ dua. 14 Ehole ɛduboa Yesu ta bwato, aenɛ emumu ɛ bato; ko abaokea ndjokwa enɛnɛ bea abanga oheledja bana ba bangwabu ibadaka na bipeko. 15 Mɔkɔmɔkɔ, batingami babatama na nde ko babala boo: «Esika hee edii esobe*14, 15 Esobe ɛtingodjaka boo: esika ekadae bato pɛpɛ oda ko busa botiti. Bea yanedja bato bɛngɛ bakɛɛ asasombea mia ma oya ta ngando idja mbuti.» 16 Yesu abasɔmbɛdja boo: «Baditi na tina ɛ okɛ oho; ino mɛɛnɛ bapani mia ma oya!» 17 Batingami bamosɔmbedja boo: «Lodii oko na mapa matano na swi babae.» 18 Yesu abala boo: «Doani na lu haa.» 19 Yesu apa enɔli odii bato boo badae ta ndjani; atomba mapa matano na swi bia babae, angangodja miso odiko ko asakoa Ndjambe. Abuka mapa mia ko apa bikengakengi bia odii batingami ba nde bɛngɛ babikaane odii bato. 20 Bato basusu baya ko bagola. Bea batingami batuta bikengakengi ibadikaa ko balumedja mapole doomi na mabae. 21 Bato ibaya badaka mbuti na baami koto itano, pɛpɛ olanga bali na bana.