MATAYO 9

Oheledjama ba mwali ko opusoama ba mwana mwali ɔ kumu

18 Ehole ɛbala Yesu na bu bea, kumu omɔti aimea, akwa magunda boso ba nde ko abala boo: «Mwana ɔ mbai mwali asagwa oko hadɛdi, dua, amobakee ebɔ ko asɔmbɔlea koko ta mohelo.» 19 Yesu aema ko amokimana engbanga na batingami ba nde.

20 Oko ta ohole ena, mwali omɔti adaka na epeko ɛ itanga la makia ko epeko ena ɛnɛngɛdja mbua doomi na babae, bea abatama sangɔngɔ dja Yesu ko abinga mopɛpɛ ma esendja ɛ nde. 21 Tina ɛ asabaleaka boo: «Nga nakabinga etoko esendja ɛ nde, nahelalea.» 22 Yesu ahombana ko ehole ɛmoenɛ yo abala na nde boo: «Sapingedja, mwana ɔ mbai mwali! Edhimeli ɛ wɛ eoheledjai.» Oko ambuku, mwali ahela.

23 Ehole ɛimea Yesu ta ndako ɛ kumu, aenɛ babomeli ba ngɔmbi ko emumu ɛ bato ta moyeke monɛnɛ, 24 abala na bu boo: «Imanani! Mwana agwiti, ahwɛli.» Endolo bamosɛkɛ. 25 Ngɔngɔ dja oimana ba bobo osokolu, Yesu aingea ta ekenge ɛ ndako, apea yɛngɛ mwali ta ebɔ ko asaemedja. 26 Gala ɛ modjɔ mua ɛnangana ta ekenge ena esusu ɛ mokpɔtɔ.