Lucas 5

Yesu ahɔ batingami ba boso

1 Elenge emumu enɛnɛ e bato basalindaka mbuti na nde tine boka mobalo mo Ndjakomba, ko aemaka mbuti na ibongu i ibeke i Genesaleta*5, 1 Moda mokina mo bobea ibeke li Galilea Endja pongono ta Mlk 6, 53, 2 Yesu aenɛkɛ mato mabae matingi ta ibongu. Baoweli ba swi batitaka ta madiba tine bososa midjanga mi bobo. 3 Yesu atiteaka ta bwato bo Simo. Amohɔdjɔkɔ amolinde ta mo mbɛngɛ, ibea adaka na mobondo ta bwato ko abangaka boleha emumu e bato.

4 Ehole esidjaka yo boleha, abalaka na Simo: «Linda bwato ta mbɛngɛ, ko dumbani midjanga mi bino tine bowa swi.» 5 Simo amosɔmbedjaka: «Molehi, losali bulu bosusu lodihiti eka. Endolo tine mobalo mo wɛ, na dumbaka midjanga.» 6 Ehole edumbaka bo midjanga bataedjaka swi banɛnɛ ko midjanga mi bobo mibangaka boaleana. 7 Bapupeaka mɔmɔ adi babinabu idaka ta bwato bokina bɛngi badue abakamoa. Babinabu baduaka ko, balumedjaka mato masusu mabae, mbunoko mahombaka madinde. 8 Ehole enɛkɛ Simo Piɛlɛ bea, akwaka magbundɔ ta boso bo Yesu ko abalaka: «Kumu, donga mbuti na mbi, tengasa nadi moto mobe!» 9 Tengasa badaka na bɔɔ, yo na binande, tine swi banɛnɛ baowaka bo. 10 Edaka ko bea tine Djake ko na Yoane, bana ba Djebede, bia badaka badale engbanga emɔti na Simo. Endolo Yesu abalaka na Simo: «Pɛ bobanga; donga edɛdi edi ndolo bato bahombake wɛ.» 11 Na bea basɛmedjaka mato ongondo bakinaka losusu ko bamokimana.