MATAYO 16

Lepile e bapalusai ko na e basadukai

5 Ehole emeleka batingami pamba ekina e ibeke, babosaka botomba mwɛmbɛ. 6 Yesu abalaka na bu: «Omadani na edinga na lepile e bapalusai ko na e basadokai.» 7 Na bea batingami baimeaka bosabaleana: «Abali bea tine lobosi botomba mwɛmbɛ.» 8 Elenge Yesu adjebaka yo malɛi ma bobo, abalaka: «Tina ndani wasabaleanakani boo obosini botomba mwɛmbɛ? Bato ba bodima bokɛkɛ! 9 Osipoakinini oko? Obosini miɛmbɛ mitano imikabanakano na bami koto itano ko na motuya mo mitinga mo bikengakengi bidikaka na nu? 10 Obosini pongono miɛmbɛ sambo imikabanaka no na bami koto inɛi ko na motuya mo mitinga mo bikengakengi bidikaka na nu? 11 Mbunoko edɛdi osipoakeni boo nabaliti na nu tine mwɛmbɛ, ehole eotɔndeakini mbi: omadani na edinga na lepile e bapalusai ko na e basadokai?»

12 Na bea, batingami basipoaka boo aibalaka na bu, badea na edinga tine lepile e mwɛmbɛ, endolo badea na edinga tine bileho bi bapalusai ko na basadokai.