Lucas 19

Yesu na Djakayo

1 Yesu akwea ta Yeliko, ko aso anɔɔkɔ ta ngando enɛnɛ. 2 Moomi omɔti adaaka ena kombe e nde Djakayo; adaaka mokondji o baputedji ba puti ko adaaka modieli. 3 Adaaka na posa e boenɛ Yesu, endelo aihɔnɔ bomoɛnɛ, tina e emumu e bato ko adaaka mokuwe. 4 Apotia ebango akɛi boso ko aiwei ta mole mo sikomɔle,*19, 4 Sikomɔle edii mole momɔti mokuana na mole mo pigi e esika.Edi mole momɔti monɛnɛ ko moiwea mopele. bɛngi amoɛnɛ modjɔ mo Yesu anɔdea ta ndjea emina. 5 Ndelo eimea Yesu ta esika emina, angɔdjɔ miso o diko ko abala na nde bo: «Djakayo tita pɛpɛlɛ, etungi busa ibubu na yeyoe ta ndako e wɛ.» 6 Djakayo atita pɛpɛlɛ ko amoasɔ na mongandi monɛnɛ. 7 Amaka ɛnɛ bato iboa, ibo basusu banungunaka; babalaka bo: «Indja moto iyoyo akɛi ayeyoa ta ndako e moto o pekato!» 8 Endelo Djakayo, angɔ diko, abala na Kumu bo: «Kumu, nakabanadea bodieli bo mbi ndanda iboa napadea ekenge emɔti ta dii bakwali, ko nakabhubhea moto na eka e nde, namosɔmbedjadea mbala inɛi.»*19, 8 Mobeko mo Bayudha molomaka bosɔmbedja leka loibakakabo mbala djibae.Boindja a buku Boimana 22.3,6 iboa Djakayo anɔdji ndenge eloma mobeko. 9 Yesu abala bo: «Busa bu, mohelo modoi ta ndako iye, modjɔ mo iyo adii, pongono, motitani o Abalayama. 10 Modjɔ mo Mwana o moto adoa ahomba ko aheledja ibibi babunga ndjea.»