Badaledji ba Bayudha bakɔi inginda ta tina e Yesu
1 Ehole emadja Yesu bileho ibia, abala na batingami ba nde bo: 2 «Odjebakani bo ediki masu mabae bɛngi tɛkɛ e Pasika26, 2 Boindja Boi 12, 1-27. eimee: ko Mwana o moto adii mbuti na bomokaba bɛngi abakame ta ekulusu.»
3 Iboa ba nganga ba Ndjakomba banɛnɛnɛnɛ ko na basuku ba Bayudha bakɔɔ inginda ta ikanda di nganga o Ndjakomba o monɛnɛ okabeebo Kaipa; 4 ko batomba meko bapee Yesu na mbombi ko bamowoe. 5 Ekahia babalaka bo: «Lodae pɛpɛ bomopea ta ndelo e tɛkɛ modjɔ mo bato basaka mongangale.»
Mwali omɔti asopea malasi ta molo mo Yesu
6 Iyana adaaka Yesu ta Betania, ta ndako e Simona, moto osɛnɔkɔ na mabha, 7 mwali omɔti abatama mbuti na nde apeaka molangi mo momɔti mo alibatele26, 7 Alibatele: ibanga di mokobo mopu, dikakɔe na bu milangi bɛngi baisake malasi. molumake na malasi ma motswiya monɛnɛ: ko ehole edaaka Yesu ta mesa, mwali omina asopea malasi ta molo mo nde. 8 Ama ɛnɛ batingami iboa, baoka bobe ko balemoa babala bo: «Tina ndani e bobedja malasi ibobo? 9 Babwanaki bomatɛkɛ na motswiya monɛnɛ ko bapi palanga djimina ta dii bakwali!»
10 Ehole eɛnɛ Yesu iboa abala na bu bo: «Tina ndani etungeakadea na nu mwali iyoyo? Akɔi modjɔ mopele adii mbi. 11 Modjɔ mo, okadikameni26, 11 Boɛngɛ Dit 15, 11. na bakwali bihole bisusu; endelo mbi otadikamabini na mbi bihole bisusu. 12 Aka sopea malasi ta mokuku mo mbi aselingoakadea bopuseama bo mbi26, 12 Boindja Mal 14, 8 ko na nase.. 13 Naotɔndeakadeani sooti mɛnɛ bo: esika esusu etɔndɔbi ibo Bwɛndi Bopele imumu ta ngondo esusu, basɔngɔbi pongono modjɔ imumu mosakɔɔni mwali iyoyo ta tina e bomolɛdjɛ.»
Yudhasi apalakadea akabe Yesu ta dii banganga ba Ndjakomba banɛnɛnɛnɛ
14 Iboa omɔti ta tei e batingami doomi na babae, iyona okabeebo Yudhasi Isikaliote, akɛɛ ta dii banganga ba Ndjakomba banɛnɛnɛnɛ 15 ko abawadja bo: «Epadeani ino nde nakakaba Yesu ta dii ino?» Iboa, bamoputa na pata dji palanga tuku djisato26, 15 Boɛngɛ Djk 11, 12.. 16 Banga ta ehole iyena ahombaka mwɛngi bɛngi amokabe.
Yesu ayaki mia ma Pasika na batingami ba nde
17 Busa bo mbangi bo mapa mapɛpɛ boisa bole, batingami bakɛɛ awadja Yesu bo: «Apalakadea wɛ loɛngɛbɛnee mia ma Pasika djɔ?» 18 Abasɔmbedja bo: «Kɛɛni ta ngando enɛnɛ ta dii moto songolo ko balani na nde bo: "Molehi abali bo: Ehole e mbi emei mbuti; edii ta di wɛ esika ekɔɔdea mbi tɛkɛ e Pasika na batingami bambi." » 19 Batingami bakɔɔ oko mondumba mobapa Yesu mitindo, ko baɛngɛbɛnɛ Pasika. 20 Aimea busa mɔkɔmɔkɔ, Yesu adaaka ta mesa na batingami doomi na babae. 21 Ta ehole eyakaka ibo abala bo: «Naotɔndeakadeani sooti mɛnɛ bo: omɔti o bino akabadeani.» 22 Balumaka na ndjokwa enɛnɛ ko moto na moto amowadjaka bo: «Kumu, edii mbi?» 23 Yesu asɔmbedja bo: «Edii iyoyo oyakakadea na mbi saani26, 23 Boindja Mal 14, 20 ko na nase. emɔti, edii iyo moto okabadeani. 24 Mwana o moto akɛdea oko mondumba motɔndea Makomi ta tina e nde26, 24 Boindja Ndj 22, 2-19; Isa 53.; endelo ndjokwa ta tina e moto iyona omokabi! Ebɔngɔkɔ ta tina e nde adae pɛpɛ bobotama!» 25 Yudhasi, moto omokabadea, atomba kɔpi ko awadja bo: «Molehi, edii mbi?» Yesu amosɔmbedja bo: «Edii wɛ moto osabala.»
Mia masɛnɔke
26 Ta ehole eyakaka ibo, Yesu atomba ipa, ngɔngɔ dji nde bosakoa Ndjakomba, adibuka, apa na batingami; ko atɔndɔ na bu bo: «Tombani, yakani, iyeye edii mokuku mo mbi.» 27 Ngɔngɔ djimina atomba kɔbɔ e vino, ko ngɔngɔ dji bosakoa Ndjakomba, abapa ko atɔndɔ bo: «Mwakani ino basusu, 28 iyeye edii makiya ma mbi, makiya ma Mokongo26, 28 Mokongo: kombe iyeye einedjakadea pongono bwela, bookana ko bodhimeana (Boindja Mal 14, 24; Luk 1, 72; 22, 20; Bik 3, 25; 7, 8) Boɛngɛ Boi 24, 8; Yil 31, 31-34. masopei ta tina e bato banɛnɛ, bɛngi badie ekutubanedji e pekato.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)