प्रेशित 18

करिन्थ सेहरोम पौलुस

1 तिहींइं फासाड़ी पौलुस एथेन्स होयर टाकीत करिन्थमेहें आयू. 2 तिहीं तियाहा अक्विला नावोअ एक यहुदी मिल्यू, जियाअ जल्म पोन्तुसोमेहें ओयोतो. तो तियाआ लाडी प्रिस्किल्लाअरी इटली रोत तेहेलाजमेहें आयुतो, काहाके क्लौदियुसे आखा यहुदीही रोम सेहरोम रोत निहीत जाअलाअ आदेश आप्युतो. तियाहाज काजे पौलुस तियांहां मिलू गोयू. 3 पौलुसोअ आन तियांआं एकुज धंदू ओतू, तियाहा काजे तो तियांअरी रोयू आन तियांअरी तंबू बोणावीइलाअ काम कोअयो, काहाके तंबू बोणावीलाअ तियांआं धंदू ओतू.