22 "ए माआं इस्राएलवाला, ए गोठी उनाआ! ईसु नासरी एक जोऊं ओतू, जियाआ देवोअहीं रोते ओवीइलाआ पुरावू मोन्ज्ये, तिया वाअहीं वोडे वोडे कामे, समत्कार आन निशाणी देखाड्यी, इंहीं वाअहीं देवे तुमाआं काजे मान्य कोअल्यू पुरावू एहेलुहू तो माटी ओतू, ओं तुमू सोताहा बी जांअतेहे. 23 तियाज ईसुहू, जो देवोअ पेलुज रोत ठरवाअली योजनाअ पुरमाणे तोइत आपाअयू, तुमू तियाहा पापी माअहोंअ आथे क्रुस खांबो पोअ टांगीत कोइत माईंत टाक्यु. 24 पोन देवेज तियाहा मोल्याम रोत जिवतु कोअयू, काहाके ओं ओतीज ने सेकतोतो के मोत तियाहा सोताआ ताबाम मिकीत सेके.✝2:24 मत्तय 28:5,6; मार्क 16:6; लुक 24:5