प्रेशित 9

तबीता नावोअ एक विश्वासी बाय

36 याफामेहें तबीता*9:36 तबीता मोन्ज्ये "ओंअणी" तियाआ ग्रीक अर्थ दोरकास होय. मोन्ज्ये दोरकास नावोअ एक विश्वासी बाय रोतीते. ते खुब हाजे हाजे कामे आन दान कोअतीते. 37 तियांज दिहोमेहें ते बिमार पोड़ीत कोइत खारबात गोयी; आन तियां तियीही उंगलावीत कोइत उपर्‍यीइ खुलीम मेक्यी. 38 याअकाजे के लुद्दा याफा सेरोअ आहने ओतो, सेला उनाअया के पेत्र तिहीं होय, ताहां बेन माटी मोकलीत कोइत तियाहा विनंती कोअयी, "ताब्बुड़ आमाआं जागे आवेए." 39 ताहरुउ पेत्र उठीत कोइत तियांअरी गोयू, आन जेहेलाम तो तिहीं पोत्यु ताहां तें तियाहा उपर्‍यीइ खुलीमेहें लेत गोये. आन आखी रोंडाअली बोईं रोड़ती रोड़ती तियाआ जागे आवित कोइत उबी रोयी, आन जे डोगले आन साअके तबीता तियांअरी रोत्ली तेहेलाम जिवती ओती ताहां बोणायेते, देखाड़ी वोल्यी.