मत्तय 4

शार मासाराहां ईसु हादत्लू

18 ईसु गालीलोअ दोऱ्याआ टेकोपोअ रोत जानु वोल्यू; ताहां तिये बेनू पायहोहो मोन्ज्ये पेत्र कोतेहे तिया शिमोनोहो, आन तियाआ पाही आंद्रिया यांहां दोर्‍यामेहें जाल टाकत्लाहा देख्या; काहाके ते मासारा ओता. 19 ईसु तियांहां कोयो, "तुमू माआं फासाड़ी आवा, ताहां आंय तुमुहूं देवोअ राजोमेहें माहें तोअनारा बोणाविहीं." 20 ते ताबुड़तुड़ जालीही सोड़ीत देत ईसुउ फासाड़ी गोया.

21 आन तिहीं रोत आगाड़ी जात ईसु बिहीरा बेन पायहोहो देख्या, ते जब्दीइ पोर्‍या याकोब आन तियाआ पाही योहान, यांहां तियांआं आब्हू जब्दी याअरी नावड़ामेहें तियांआं जाल हुदारत्लाहा देख्या आन ईसु तियांहां हाद्या. 22 ताहां ते ताबुड़तुड़ नावड़ाहा आन तियांआं आब्हाहा टाकी देत ईसुउ फासाड़ी गोया.