Atos 16

10 Yn lunghnguːn hnguh pynnyng, yn pee ja kuːh sityang poai saih haija keimi Nuatpaw na y hngyah pyn, jummei theila Macedonia pee ja zet ty y cai hlyi.

Philipi Luh Shaw Lydia Hleijei Lunyak

11 Keimi ce Troas luh kuːh panglai jyang tuisyamphua eyng Samothrace khongpyyi lyamma tingting zet hnguva, atha hnguːp pyng Neapolis luh a kym phawlu. 12 Ynijaa kuːhthuh Philipi luh a kym phawlu. Yn luh cee Macedonia; pee kuːh luːei tih acuːk luh*16.12 Yn luh cee Macedonia; pee kuːh luːei tih acuːk luh; aciya kutjokcawvyng, Macedonia pee kuːh luh pahuat, tijyng myi; sikawvyngcee Macedonia pee kuːh acuːk luh pahuat. pahuat ta thawn theila Roma luh dyang nga kuːh luh a khy athawn. Keimi cee yn luh a khuhnguːp div va kym myi. 13 Jah hnguːp pyng keimi luh kyt tua lyt theila, hngihminnei nyak ky a duːn myih nyak nyn lyangkhyam ma kym zet. Yn pynnyng keimi cee ngoa theila yn duːn nyng dynneitih hngutaw ha eyng khyau hyau vy kym phun. 14 Thyatira luh kuːh Lydia mingnawtih hngutaw pahuat ce oale suishyak jy tih y si. Yn ce Nuatpaw khuːhbia tih pahuat y si. Pawluh na susaih hnguva poaija ngei haija Mawhpaw na y lungbawng hngawn piat. 15 Yn la y immlawng ha tomti cee baptisma khyammei awla, Lydia na, "Kei cee Mawhpaw ahngoan na jummeitih tijyang nym taw hngucee kei imm ma lu theila ipawm lu vyt," tila keimi y hlawihlaing ngei lu.

Pawluh La Silas Phehimm Dukka

16 Hnguːp ciya eyng keimi cee hngihminnei nyak duːn na kym zet hnguva, muikhaw see voang theila hlungtinnu maanu pahuat kym hnguh. Yn ce hlungtin theila y mawhpaw ha tawk tangkaw panu y suilei piat. 17 Yn na Pawluh la keimi hngulawng lyk theila, "Myn khyang ha cee y hluːngduː tih Nuatpaw khuːtbi tih a ym thawn, nyangmi jyang lilovei nyak lyam susaih haija ym phawlu pyn," tila y vuipang.