Atos 9

36 Joppa luh a Thapitha mingnawtih hngulawnglyk pahuat y myi. (Griik ming nga ce Dorkas y ming nyak. Dorkas tinyak khyang ce "sawhug" a si). Yn ce sanglaitih ha phui theila y khyngtih caitih y si. 37 Yn hnguːp pyng yn ce kua theila y byt, y pum ce tuii hluh awla a huan khyn na ym tyak. 38 Lydda luh ce Joppa luh eyng lawijei; yn khiannyng Pitar ce Lydda luh a phawlu khyang jummeitih ha na ym jyak hnguva, yn cenga khyang pahngih thuh awla, "Keimi cenga y jyanga lu piatmawh," tila ym kawhei. 39 Yn khiannyng Pitar ce yn ha dy y zet hah. Imm y phawlu hnguva a huan khyn na ym zehpui nyak. Hngeinu tomti ce yn ka tung awla ym gap. Yn dy huattyng ym myi khyang la Dorkas na y tawh piat khyang suishyak ha ym duan.