João 12

Yesu anguyingila Yelusalemu kunu wandu wakikuwa vilulu

12 Kilau ghaki lipinga likulunga lya wandu wenikuhika kweni mhambu wakayoghanila yiwa Yesu kamnjila anguhika ku Yelusalemu. 13 Hinu, wakatola miputila gha mibiki gha mipangalala, wakahuma wakayenda kumpokela, kunu wakitova lilowi wakilonga, "Ayinuliwi Sapanga! Ahighilwi hayu mweni kuhika kwa lihina lya Bambu. Ahighilwe nkosi wa Izilaeli."

14 Yesu apatile mwanapunda mmonga, akakwela kunani ghaki handa yalongili mayandiko,

15 "Mkotoho kutila, mwenga wandu wa Sayuni,

uloli nkosi wa mwenga anguhika,

kakwela mwanapunda."

16 Wavulwa ghaki haku mtumbulo wamanyili ng’ogha mighalu hila, ila Yesu pakahindulwa kala, ndiwa wakakumbwiki yiwa awelili kayandikilwa hagha, na hinu wandu wawela wamgholela hagha.

17 Lipinga lya wandu wala wawelili pamonga na Yesu lipindi pamkemili Lazalu kuhuma kulimambi, na kumuhindula, wayendelelili kulongelelela ghala yahumile. 18 lipinga lya wandu likayenda kumpokela Yesu kwaikiva wawelili wayoghanila yiwa awelili kaghola mkangasu hau wa kumuhindula Lazalu. 19 Hinu Mafalisayo wakalongilana weni kwa weni, "Mngulola hinaa tuwesa ng’ogha kughola chochosi kangi. Uloli wandu wogha wangumkovekela mweni!"