Mateus 21

Yesu etaubusu lupae mkhatu usewa mtini

18 Lhenu kuu chalhenu Yesu areakhwa eaha kwalhi ekirii he muang’a, ekako kela. 19 Ekauakho mkhatu usewa mtini khakhera he kwalhi, mira ekauheya teulo matunda ulo mahako bi. Iji, ekauba, "Useezasa kahali matunda maaze khabuna." Waata ata ka mtini ukanyuluka. 20 Vahina kuu vareakho to vekamaka vekamlhasu ite, "Kwaakhoni ya mkhatu wa mtini waamanganyuluka?" 21 Yesu ekavaba, "Kweri nimubao, kai mukukhwa na mdarisho ufurue, temukaboi bi yacho niboie heya mkhatu usewa mtini, mira sari mukuneluba ya lubwa ite ‘Kung’ofule uzekubibi he bahari,’ Chineboiika wato. 22 Naho mkudarisha, cho munelhawa kwa kuaresi, mneowe."