Maye wafedwa ni mmunake uyo wachocha njhembe bwino
41 Yesu wadakhala pafupi ni chombo choikila njhembe panyumba ya Mnungu. Wadaona wandhu umo amachochela njhembe. Wopata ambili adachocha ndalama zambili. 42 Pamenepo wadajha maye mmojhi wafedwa ni mmunake uyo wadali wosauka, wadachocha senti ziwili. 43 Yesu wadaatana oyaluzidwa wake, ni kwaakambila, "Zenedi nikukambilani, maye uyu wosauka wachocha zambili kupitilila onjhe. 44 Wandhu wonjhe achocha ivo vakhalila pachuma chao, nambho maye uyu wafedwa ni mmunake pamojhi ni kusauka kwake wachocha vonjhe walinavo."