Yesu wazikidwa
42 Ujhulo yapo udawandikila. Pakuti lidali Siku lo konjekela kupumulila, 43 wadajha Yusufu uyo wamachokela ku mujhi wa Alimasaya, mundhu wa bwalo la milandu, wamalemekezeka kupunda wadafika. Mundhu mmeneyo wamalindililila kujha kwa Ufumu wa Mnungu. Chimwecho Yusufu wadampitila Pilato popande kumuopa, wadampembha wampache thupi la Yesu. 44 Pilato wadazizwa yapo wadavela kuti Yesu tayali wathomwalila. Ndiipo, wadamtana wamkulu wa asikali ni kumfunjha ngati Yesu wathomwalila. 45 Pilato yapo wadakambidwa ni yujha wamkulu wa asikali kuti Yesu wathomwalila, wadamvomeleza Yusufu walitenge thupi la Yesu. 46 Yusufu wadaghula sanda, wadalichicha panjhi thupi la Yesu, wadalivilingila sanda. Adaliika pambhanga iyo idakumbidwa pa mwala wolimba. Ndiipo wadaugunghulicha mwala pakhomo pa ijha mbhanga.