मत्ती 15

येशुले छुट्टै घिन्या रुयाङ हुलजन आयांइन्या

32 तब येशुले आ सिइयाङजन आल्योङ खुल्सिऊ ऐआढोवाङ, "ङा ईका रुयाङजन यीङताए मानिङरा दानाङभन्या इकाङ ङासकाए रालज्यान्या तिन दिन ताइदा ओटन इकाङ सकाए ज्यान्या नैज माल्दी। इकाङजन करेटै परिङन्या ङा मापरिङ्ङरदी। मानकन्ता इकाङ यमलै बिहोस ताइरा।" 33 ओलजन आसिइयाङै ऐराढोव, "आवाए घिन्या रुयाङ हुलजन यांऔ नाल्ट ईका नैजमालन्या पोल नवाए धरअसा भरेई गे काङन होनै?"

34 येशुले नकाङजन ऐआढोवाङ, "जेसकाए ख्वाए गोटा भरेई लेऊ?" नकाङै ऐलेवाङ, साट पाटा भरेई सनर इङइङन्या ङा:स्या।

35 येशुले रुयाङ हुलजन नामल चुङन्या आग्या आयोवाङ। 36 ओले नका साट पाटा भरेई सनर ङा:स्या होनस्यु परमेस्वरजन धन्याबाद योंवापाइना कलाएस्यु आ सिइयाङजन आयोवाङ, ओटन आसिइयाङै रुयाङजन रांयोवाङ। 37 नकाङ सोगलैले कैस्यु वाङवाङ। ओटन येलन्या चोइलाङ नकाङै साट घोन रादुकौ। 38 मेएमाङ सनर लुलल्याङ बाहेक कैन्याङ चार हजार ल्हेपाङ लेवाङ।