Apocalipse 16

1 Fe Mwɔ ikɔr ngɔŋ ire akabaŋkɔŋ te di abɛ shar ayou Arik ataŋgba: <<kɔte kam zhin agbǝgba ataŋgba ayi mfu kɛ Arik ishur ne gɔŋmimi!>>

2 Inǝ shar ayou Arik ne kuti te kama gbǝgba maa ashur ne gɔŋmimi. Ankyak iki nuŋ mimin iyi nek iyah imunru bǝn abaŋ ndi ayi ne alǝla ayi inarum ndi azɛkui.

3 Fe inǝ shar ayou Arik ne yaa akam iki yiŋ ndi iyi ne agbǝgba maa ashur ne nǝk. Amashir ane nǝk akama tǝ ndi azhizhi anɛr abɛ ku.

4 Inǝ shar ayou Arik ne ntar akam iki yiŋ ndi iyi ne agbǝgba maa ashur ne atuk bǝn mgbashe, amashire akama tǝ azhizhi, ankyak kiki iyi vli ndi iyi ne amashire iku. 5 Mwɔ inǝ shar ayɔu Arik ndi wa agli amashire adi, <<Iŋas yiŋ ndi une tǝǝ iyi anenen, Uu inǝ yi Tsetser, Uwa waŋ ndi Uyime tǝ na yime rɛ kukub! 6 Te aneshir ne tyak azhizhi abeyi tsetser bǝn abɛ bla shar yɔu Arik ahrie, unǝ nek ba azhizhi abɛ ta sɔ. Ne ta iki yiŋ ndi ne tǝǝ ba anenen!>> 7 Fe Mwɔ ikɔr ire bagedi tedi, <<Ŋgɔŋ Arik! Izub bǝn didik mi iyi yi ŋas mi!>>

8 Ankyak ine shar ayou Arik ne nas akam iki yi agbǝgba maa ashur ne arik, ne duŋɔ awu aneshir ne laŋ maa. 9 Ne wu ba nǝ nguŋgu kǝ laŋ arik gɔŋ, fe atǝ isak kɛ Arik anu amimin, iwaŋ ayi ne mgbyamgbyaŋ ne atɔ ayi alaga awaŋa.

10 Fe inǝ shar ayou Arik ne tuŋ akam iki yi agbǝgba maa ashur ne mben yi sɔŋ inarum yiŋɛ. Ibu ne ku ikɔb kǝ inarumɔ, ankyak aneshir ne ŋuu alǝlɛn amen ne lɔ akpa amen, 11 fe atǝ Arik anishu anu amimin ne lɔ akpa ben ankpaa amen. Neme bane duŋ na zumimin men ba.

12 Inǝ shar ayou Arik nǝ tani akam iki yi agbǝgba maa ashur ne nǝk ngɔŋ ne Yufireti, inǝk ge akɔ agbur, te bɛ na ankɔŋ aŋyak atum abǝ rɛ amgbalu. 13 Fena Mne yik izhu mimin me tar iyi ndi anǝ azizar. Izhu mimin irurɛ ne akɛ tsetsaŋa, anu ake inarum ngɔŋ yiŋɛ, ben anu ake abɛ bla ishar yi timu. 14 Ayi izhu anerim ndi ana iki yi vuŋ anu. Izhu ime itar yiŋɛ iru te gar ben atum abɛ gɔŋmimi bɔbɔk, tǝ bɛ biŋ ba nyak ankpa zhiin nǝ lɛ kɛ te ikum ne ibar ngɔŋ yi Arik Ngɔŋ.

15 <<Wɔ zhin! M nye ndi iner ne zhib! Inyer iyi bǝn waŋ ndi asɔŋ ashur atɔŋ tena su anklu amaa atai nyɛr, batei tsin agɔŋ ari mgbawun tena te ishisha ne min du aneshir ba!>>

16 Fe izhu igli atum nyak amkpa zhin ndi azhɔu ne Yahudawa te Amagadɔn.

17 Ankyak inǝ shar ayou Arik nǝ taŋgba akam iki yi agbǝgba maa ashur nǝ nguŋgu. Ikɔr ngɔŋ rurɛ mben yi tum ne akabaŋkɔŋ, idi, <<Nǝ ka kle!>> 18 Ankyak ilu zen laŋ shak amkpa bɔbɔk, ira nas ŋur shak igɔŋmimi, mimi ne na zhaŋ ngɔŋ. Mimi bane zǝne yik zhaŋ gɔŋmimi nuŋ amɛ ba rɛ na ineshir ne gɔŋmimi; waŋa ayi zhaŋ gɔŋmimi mimin bɔbɔk! 19 Ntun ngɔŋ ne gab te kpak tar, ntuntun bɔbɔk zir. Arik ne shuzhi Babila ngɔŋ te duŋɔ asɔ iki riri ne kpar atse maa iki rǝrǝ ne mfu maa ngɔŋ. 20 Agaŋkubgbu ne naŋ adɔ, igbu gɔgɔŋ ne naŋ dɔ. 21 Mkpaŋ gɔŋgɔŋ, ndi kɔte tayi iluk maa iyi ndi iyi igab azhin amɛ tar nǝ sɔk tun, ne zhaku ire shu ne atu aneshir, te duŋ aneshir ne te Arik anu mimin ne iki mimin ndi ne na, ane yi alaga amimin.